وقت ما نلقى بيها وين ...

نحب نبوسك نشمك نعنقك .. اما ويين ...

نحبك تعنقني تنزل عليا و في صدرك تغرقني .. اما وين ..

نحبك تحكيلي تنصحني و نضحكك تضحكلي .. اما وين

نحبك تتنرفز عليا و تنرفزني تقلي لا تفكلي حتى تضربني على قلبي كالعسل صدقني ...

اما وين ...

نحب نعيش معاك عادية كالناس نسمع صوت الراديو متعاعك الصباح و  صوتك و انت تعارك عالماعون والصابون والنهار الي راح ...

.. اما وين ...

حبيتك تجري في فرح اخواتي .. و كيف الشمعة تضويلي حياتهم  و حياتي ...

... اما وين ...

حبيت نغير من ولاد اولادك و ندزهم و نطردهم..

نقلهم شدو امكم هاذي متاعي انا ..  اما نجمش توا خاطرني انا عزيزتهم ...

حبيت و تمنيت بارشا حاجات ما نجمش نكتبهم  ....

حبيت ما حبيت و تمنيت ما نمنيت اما ربي هو الي حب .. و هزك عندو لبلاصة ابهى و اشب .. و خلاني مشوية عليك 9 سنين والي في القلب يراه حد ..