كان تعرف وجيعتي إلي مخبية  ورا أك ضحك لكل تو تبهت سنين و انا نقسم فيك مع مرتك سنين و انا نحبك بالسرقة و انتي تتمعشق معايا و  بالسرقة لوقتاش الله و أعلم  فديت من نهارت إلي بعدنا على بعضنا  الناس لكل كبشت في أنساه  تي أنسى شبيك كبشت تو يجي غيروا تو يجي سيد سيدو بول عليه و غيروا من هاك الكلام  الماسط إلي يقهرني  المشكلة إلي لكلنا نواسيو بعضنا أما ما نجموش نحسو بل يحس فيه صاحب المشكلة

انا نحبك الناس كانت تشوف هذا في عينية في ضحكتي في حوايجي فاللون إلي تحبوا انتي و حببتني فيه  كيف تقلي نشوفك محلاك و انتي بيضة و لابسة لحمر أصلا شطر خزانتي ولات حمرا كيف لون النار إلي شاعلة في قلبي حوايجي حمر خدودي شعري كل شي نهار إلي مشيت و خلتني لكل شعلت

إلي يقهر فالناس لكلهم فيبالهم حاجة تافهة و ساهلة قال شنية يمشي فوكس يجي بوبي

انا ما حاجتي بحد كان بيك راني تقهرت نهار إلي شفتك تصحح على ورقة صداق مع وحدة أخرى غيري بتت مع وحدة أخرى غيري كيفاه تنجم تمسها ؟ تحس معها كل شي و انتي إلي كنت أكثر من البوسة ما تعتينيش قال شنية انتي متع غدوة انتي متع عرس انتي مرتي

انا هاني شادة الدار و هي شدتك انتي

ال 6 سنين مشاو خسارة مش معاك خاطر هاك ال 6 سنين هذوكم حياتي لكل 6 سنين معادش بش نعيش كيفهم

(  نرجع عامين لتالي نهار كيف ليوم )

تعرف إلي انا ليوم عندي عامين ننسى فيك ! عندي عامين ما ريتكش ريتك وت لبارح و ضحكتلي مشاو هاك العامين خسارة معناها 6 سنين نحب فيك و عامين مشاو نحاول ننسى و انا كل يوم نغرق أكثر فيك ..

كيفاش عامين نبكي و نسمن و محصورة فيهم انتي بضحكة طيحتلي كل شي فالماء مش حرام عليك ؟ شنية عمتلك انا ؟؟  

نضحكو ناقفو نسلمو على بعضنا و تقيدلي نومروك و تسلم عليا و تقلي كلمني و انا كيف البوهالية من  الضحكة خدودي بش يطرشقو  

ليوم 10 سنين معرفة

6 سنين حب عامين نسيان و عامين خيانة  من ورا مرتو

( مازال فما جزء أخر مرتو بش تولد و بش تسمع بنا ... و برشة حاجات  مش بش نبطى عليكم برشى )