كنت ما نهتم بشي و كل حاج في عيني تافه و متستحقش نتعب عليها و نعطيها من وقتي.كنت نعيش نخزر للناس،نتخيل حياتهم بكل ما فيها،نضحك و نحير و نحلف منكونش كيفهم.كنت نرا كل شي غالط و كان انا صحيح.

عرف طفلة عمرها 19،صغيرة و ناشطة.خزرتلها كيم اي حالة مل الحالات الي كنت نراهم.

اول مرة حكينا كانت خايفة و كانت حاجة عادية،و كنت هادي كما كنت ديما.تعدت ليامات و كل نهار يكثر كلامنا...

رتاحتلي،كيما يرتاح اي واحد لحد ماهو طالب منو شي،حد غريب و بعيد.حسيتها تحب تحك و خايفة،قلتلها احك للغريب و متخافش على سرك،انا و انت مستحيل نتقابلو .من وقتها بدات تحكيلي في حاجات مقلقينها و تعبت و هي مخبيتهم.و كنت نسمع و نواسيها،نصبرها و اقنعتها الي فرحتها ما تاقفش عند وجيعة،فرحتها فيها و هي الوحيدة الي تنجم تختار طريقها،
كثر كلامنا،و هي كانت فيها برش وجيعة من برش ناس قراب ليها،خوها،امها،صحباتها و الولد الي تحبو.

حاولت نعاونها،خاطر ريت فيها حاجات جديدة علي،مكنتش نراهم في غيرها،حبيتها، و حبيتها برشة و قلتلها لانا نحبها،ما كنتش نعرف نخبي شي،ما كنتش نحب نخبي شي ،انا كيفها في برش وجيعة و ليها هي وليت نحب نحكي.هي متحبنيش و مكنتش نتقلق خاطر مكنتش نفكر نملكها ولا نبدللها حياتها.كنت نحبها و نحب نكون قريبلها كهو.نقلها اعمل الي يفرحك و انا معاك.

صاحبها كان كل مر يغلط معاها و كانت تحكيلي و نهديها و تسامحو و ترجعلو.شوي شوي عبير ولت تحبني انا و هو فرد و قت.بدات مشكلتي وقتها.وليت نحس في حاجات غريب.في خوف لتولي معايا و نتعود بيها و تمشي و نتعب.

نحبها تفرح و نخاف عليها،نحبها تكون لي و نخاف عليها مني،نعشقها و نتوحسها و حاجة في تمنعني نحكيلها لي نحسو.نفرح وقت نراها و نحكيلها كل حاج تفرحها و مكنتش نكذب فلي كنت نحكيه،نقلها راك ساكن في،راك مالك كل حاج تفرحني و نحبها.و تبعد علي لحظة،نهبل و نتبدل معاها،بكيتها برش و وجعتها بكلامي لكان يفرحها.برش مرات تعاودت لحكاي و كانت تسامحني و تجيني تبكي ،تشكيلي مني،و كنت نبك معاها و نرجع لعبد لحبت هي،ليغنيلها و يحكيلها حكايات،لعبد الي كل حاج فيها هي كان يعشقها ،راجل يفهم شنيه معناها قلب مرا....الراجل الي ينجم يرا فرحتها في عينها و يعرف يعمل كل حاجة هي تحبها قبل ما تطلبها.و تمشي هي و نبقي انا نعيش بالنهار هاكا.و تطوال المدة و ترجع في حاجة غريبة و نرجع نوجعها بابشع طريقة.آخر مرة، نهار الاحد 03 افريل 2016.توحشتها برش خاطر بقنا برش محكيناش ،و كيف كلمتني حبيت نقلها راني توحشتك منجمتش،حبيت نقلها راني مت و انت بعيدة ما نجمتش و كلام يجرح سمعتها،و وجعتها اكثر ملي هي تنجم تستحمل ،خوفتها انا لكنت نحميها،شككتهافي و كنت اكثر واحد ترتاحلو.قتلتها و قتلت روحي...

مشات،بعدت و قطعت كل حاجة كانت تربطها بي...

فقت مبعد 04 ايامات من الحالة لي انا فيها،وقتها حسيت بكبر غلطتي، كنت نغيب على الوعي كلما يكثر علي ستريس.

و يكثر في الشك في كل شي ....

حاولت نطلب سماح اما غلطتي كانت اكبر من اني نجم نصلحها و اكبر من انها تنجم تسامحني عليها.مشيت و ريتها و حكيت شوي و طلب منها تاخذ مني الي ينجم يخفف عليها و جيعتها،حبيتها تبكي و تضربني و تخرج الي في قلبها،ممكن ترتاح شوية ،محبت تحكي شي، بقت ساكت و قتلي امشي معادش نحب نراك .انا مشيت و هي قعدت، بكت و بكيت كي ريتا كاك.نعرفها ياسر ضعيف اما متظهرش.

رجعت نهار آخر ،النهار اي مبعدو و ندمت مكانش لازمني نرجع،قتلي نكرهك و منحبكش و عمري ما حبيتك.

وجعتني برش لحكاية فيوقتها،نسيت روحي و حسيت الدنيا حبست و الوقت.سكت و مشت.تيشت الوردة لي جبتها معايا و دبادب الي شريتهم و حبيت نمدهملها.و روحت ،هديت شوية و نسيت وجيعتي اما منسيتش الي انا وجعتها...

انا مريض و مرضي خصرني في اغلى حاجة عندي.شكي و الي كنت نعيشو قبلها مزالو مسيطرين علي...

خصرتها و كانت كل حياتي ولي واجعني اني انا لي وجعتها اكبر وجيعة،انا لي كنت ميت و هي حياتني و قتلتها و كلمت 'سامحني' ماعاد عندها حتى قيمة...

نشالله يجي نهار و تطلب حياتي و تاخذها.

كرهتها روحي و كل نهار نكرها اكثر