یا تونس ما یهزک إرهاب

Wedyen Souid - وديان صويد

ماللي احنا صغار نشوفو في "الارهاب لا دين له"

و تو كبرنا و عرفنا شنية الارهاب

الارهاب هو الظلم هو القهر هو الاجرام

هو دمعة اليتيمة

هو الشهقة في صدر اخت الشهيد

هو المرا اللي كي يخرج راجلها تبقى تدعي ربي يرجعوا سالم

هو الام اللي تشوات على كبدتها

هو الملائكة اللي حط ساقو في الدنيا منغير بو

هو اللي يقولو عليه طاغوت و هو ساهر في الجبال

هو الراجل اللي قريب يموت باش يعيش صغارو بالحلال

هو كي تتربي و تكبر على حماة الحمى

هو كي يخرج بوك يخدم و ما تعرفش يرجع و لا

هو كي تسمع بجندي مات تولي تبكي كاينو من عايلتك

هو كي بوك يخرج و يقللك تحيا تونس..

...

تونس تعرفوا شمعناها ؟؟

بلادنا و بلاد أجدادنا

بلادنا بماءها و هواها

ببحرها و جبالها ورمالها

بشمسها بمطرها و برياحها

هي الفقير و هي الغني

هي الاستاذ هي الطبيب هي المجرم هي الزطّال

اما عمرها تونس ما كانت الارهابي

الارهابي الجبان اللي متخبي بين الجبال

اللي يغدر في رجال تونس و حاسب روحو من الابطال

الي قتل ولادنا في رمضان و هوما صايمين

اللي قتل السياح في باردو

و اللي استغل الصغار في واد الليل

اللي يحب يخوفنا و يخلينا ديما التالي

اللي يحب يدمرلنا امنّا و اقتصادنا

...

أما اليوم أحلى مساج للكلاب

تحبو تخوفونا اما ماتقدروش

وقت الكرتوش في المتحف الناس الكل البرة مش خايفة جات و وقفت

تونس بلادنا برجالها و بينا و نموتو على جالها

تعلمو حبو تونس .. حبو بلادكم ..

هذه فرصة باش ناقفوا يد وحدة الناس الكل "لا للارهاب لم ولن تمروا" و یا تونس ما یهزک إرهاب

و عاشت تونس حرة

و الله يرحم رجالنا

بقلم وديان صويد