يكذب عليك !
Asma Gharbi - أسماء الغربييكذب عليك !
يقلك نحبك, نعشقك, و نموت في عينيك !
و يمشي و يخليك !
نتذكر ليلة لحكينا و نوم ماكحلش عينينا, الوقت كان ناسينا, المنقالة الدور الدور و الدنيا حابسة بينا !
قتلي وقتاش نشوف روحي في عينك ,نبوسك و نطير بيك!
نعنقك و لقلبي نضمك تسمع دقاتو كيف نقلك نحبك
نحب نمشي و تمشي بيا لدنيا غير الدنيا العادية!
فيها إنت وحدك عينيا ,نحب نشوف الدنيا بعينيك و تكتبني حروف بيديك !
تخبيني في كتاب كالوردة نتفتح بين إيديك!
نحبك كالبحر على شطوطك نتمشي و نغرق فيك !
نحبك كالبحر غارقة بٱفكارك منحبكش كيف لخرين نحب عندك عمق و عقل رزين
نحبك كيف ما إنت و كيف ما إنت خليك !
إيجا نصورك و في قلبي نخبيك .....تعرفني نعزك و نخاف عليك
نخاف نخليك!
قتلك أخطاك يكذب عليك
يطول الليل وهو ناسيك ....
القمرة بعيدة أما كل ليلة تطل عليك .....
النجوم برشا اما يسهرو مع عينيك...... و هو في دنيتو غاطس و ناسيك
علا ش باش يفكر فيك??
يكذب عليك .....قبل النهار و ضباب الفجر سيبلك إيديك .....ضعت بلا بيه /:
كنت نشوف بعينيه !خلاني و هنت عليه!
قتلك يكذب و سفيه
يحبك لعبة و الخيوط في يديه......
يحبك وما يحبكش تكون ليه ......
يحبك الحلمة الي تصحيه.......
الضحكة إلي علي شفيافو تترسم وقت يتذكر الهبلة الي فيك ...
يعيش مخبيك لا يحبك ولا يصبر عليك .....
يعيش بتنهيدك ويسهر يدو في يدك .. و يتغزل بعنيك و في الفجر يمشي و يخليك
يحبك في الضلام تكون ليه قتلك سفيه ضوء الفجر يعميه !
يحبك في حبو تتفنن و تبدع بيه تطير بيه في السماء و عينك في عينيه
يقرالك درويش و كاس القهوة في يديه
و يغنيلك حبيب حياتي لعبد الحليم ومع كل كلمة تسافر و تطير
يغمض عينو و و تذوبوا لثنين !
قلبك بين يديه ..... بيك و بيه يعبيك ..... و بعد يعفسو تحت ساقيه و يمشي و يخليك
تبكي الليل و في الصباح تنسيه ......
و يمشي و يخليك !
بقلم أسماء الغربي
Website Design Brisbane