يا غاليه ارجع ليا
Wiem Ben Hamed - وئام بن حامدناس داخله تواسي فيا وناس خارجه تصبر فيا
وأنا حاسس إلى تقصولي يديا
قولولها رانى نستنا فيها و متحير عليها
نعرفها تفدلك عليا و عمرها ما تعملها بيا
راهى عيات و هيا دلل فيا
تى قد مانحكيلكم وشويه
راهى ممو عينيا
ديما تاخوا فى خاطرها عليا
أما عمرها مانزلتلى دمعه من عينيا
قولولى راهى جايه فالثنيه
شبي نطلب فيها و متهزش عليا
شبي ليوم ما قتليش شنوه نجيب في يديا
زعمه فمه شكون لهها عليا
شنوه صارلها شبيهه موش تجاوب فيا
شبيك بردانه و مكلمتنيش
حل عينك و كلمنى
أنا ولدك و خوك و صاحبك و بوك
أنا لي خذيت بلاصت بابا بعد مختارتوا لموت
حل عينيك و عنقنى
نعرفك تفدلك و مسامحك
فيق باش تعاوني على وصيت بابا
فيق رانى نغسل فيك و بيدى نكفن فيك
يا كبدى حل عينيك رانى نبكى بالصوت عليك
ارجع راهى كحالت في عينيا
اه راني تشويت
رانى هازك فوق كتافي لهاك الثانيه
علاه هكه عملت فيا
يا غاليه ارجع ليا
شكون باش يحس بيا
وينهم والديا
يا ربى علاه بعدتهم زوز عليا
راني تحرقت رانى ثشنقت
جرح بابا لتوه يوجع فيك ..هاك انتى كملت عليا
خليتولي جبل و شنقتونى بحبل
دارنا كانت دفيانه توا ولات ڨرسانه
يا شمعت حياتى يا زينت اياماتي
سامحني هويتك بيديا يا اغلى ما ليا
سامحني علا المكان الى حطيتك فبه
و التراب الى غطيطك بيه
نعرفك متحبش الظلام
متخافش مني راجلك و خوك و بوك
متخافش كل ليله نجي حذاك
وما ناكل كان معاك
نعرفك توصي فيا
متخافش خواتي في عينيا
مهما عملوا فيا
يا غاليه يالى مشيت عليا
وئام بن حامد
Website Design Brisbane