و ينعبو التكرار
Sali Hassoun - سالي حسوننقوم من النوم نحب نمس خيط من خيوط الشمس .. نلقاها مازالت ما طلعتش
نطل مشباك باش نخزر للقمرة.. نالقاها ماكملتش
و النجوم ناقصين
حسبتهم اخر مرة لقيتهم اقل مالتسعين
نرجع لفرشي نتكا و نخمم نقوم نتعشا
و نقوم بعد ما خممت وبالنوم تخمرت
و نتفكر الوعد و البعد لي بيناتنا
نتعود و نقول ما فاما شي يقتل و لا يموت
نطيب قهوة كحلة و نصبها في كاس شراب نمثل لي عقلي مشا و لي انا سكرت و توفا التمثيلية بعد ما الكاس كسرت
علاش بعدت الثنية !
نتفكر لي آخرتها موت ..
نتفكر صاحب الصفات الكاملة الشبيه للإلاهية
نتفكر شعرو المبوكل
نتفكر صاحبو اللي حب عليا
نتفكر بحر عينيه الخضرا
و .. و ..
وقصت عليا الشمس الي شرقت عليا بأوامر إلاهية و قصت على افكاري الثنية
ينعبو التكرار
نفس الكلام يتقال و يتعاود
مش نفس الفم يقولو و لا بنفس الصوت نسمعو
نُسَخ نفس الكلام و الافكار تتقال و تتعاود
و ينعبو التكرار
بدلو شويا .. باكشي نجم نصدقك و نحبك و انت تخليني "كل العادة"
اما منحبكش تكون نسخة ..
بدّل الطبيعة و الطبعة
باكشي نجم نصدقك و نحبك و انت تخليني كل العادة
نتعود و نقول مافما شي يقتل و لا يموت
و ينعبو زين التكرار
سالي حسون
Website Design Brisbane