نتفكر كيف كنا نمشيو عل البحر

نحلمو كيف نكبرو كيفاه باش نزرعو معا بعضنا الشجر

و نتفكرك

نتفكر كيف اختلفنا في الدين

و قلنا نبقاو مع

و قلنا نبقاو معا بعضنا و منتفارقوش و على بعضنا منبعدوش

و نعيشو جميع يهود و مسلمين

نتفكر إني يا سرور

باسمك مسحور

نعزفلك عل الكمنجة

و نعيطلك يا غنجة

نتفكر أول ماريتك قتلك انس ولا جنية

ضحكتلي قتلي أنا السلطانة بنت البية

و نتفكرك

ونتفكر الموزيكا إلي معا بعضنا غنينا

و نزيد نتفكرك

نتفكر كل ما أنا نكبر

انتي قاعدة تصغر أما في قلبي كيف ما عقلي قاعدة تكبر

و نتفكرك

نتفكر عششت في كنيني

و عمري مانحيتك من عيني

و نتفكرك

نتفكر أكا التاريخ

و كل ما نبدا نحكي معاك عل دنيا

تقلي نقص مل تفلسيف يا شيخ

ونتفكرك

نتفكر في كل ليلة

ندورو بين شوارع المدينة

و تحكيلي و نحكيلك حكاية عل عيلة

تحكيلي كيفاه تهرب مل دار

باش تجيني و تاخو عندي النوار

و تحلي معايا نهاراتك نهار نهار

و نتفكرك

و نتفكر كل انتي عليا تنزر

أنا نتبسم و نبقى لعينيك نخزر

و نتفكرك

نتفكر كي مع الموت مشيت

و عليا ما حنيت

أما أنا عمري ما نسيت

و نتفكرك

و نتفكر عينيا المحوقة و نستاحش حكاياتك المحوقة و انحن لسهرات المدينة و قعدات الجنينة  و البكا على بعدك ليلة ورا ليلة و نزيد نتفكرك