و ملقاتكش
Rim Wrak - ريم ورقو هاك المزيانة ضاق بيها الدهر و دارت دارت و رجعتلك تلوج عليك
مشى فيبالها انت مش كيف الغير
سماك بارد
لاتحزر لا تغير
تي وينك هاني جيت
مش قتلي ارجع
هاني رجعت
تي وين مشيت
في ضلام الليل تجري بين الشوارع و من نهج لنهج و من زنقة لزنقة تلوج عليك
و بين الغصة و الخنقة تهرب مالعين دمعة و تقوى بيا الوجيعة و الحرقة
و متوحشتكش
و علاه نتوحش فيك
يمشيش فيبالك نحب فيك
مش قتلي كي يلطخك الموج و يخليك لي كان قلبك بيه ممروج تلقاني باقي نستنى فيك ؟
اه مش قلت ؟
شبيك اليوم في كلامك رجعت و فيا نكرت ؟
حتى من قلبك بدلني و سلم في دقاتو لغيري
مش قتلي اسمي على بابو وشمت ؟
هاك لغيري وهبتو و فيا سلمت
اناني و غدار
مش كنت تجيني لعتبت باب الدار و هاك النوار
تفكرت ؟
هاو جاء النهار لي حكيتلي عليه
و الحوتة طيشها البحر و من قلبو خرجها
و هربت تجري ليك
كي كانت تلقى الدفى بين ايديك
و تغرق في موج عينيك
و هاك المزيانة ضاق بيها الدهر و دارت دارت و رجعتلك تلوج عليك
و ملقاتكش
و معنقتكش
و مشمتكش
و صوابع اليد فرغو و مالبرد جمدو و رزانو
و باقي تلوج عليك
اما خيالك ولى خيالين
و انتي تبوس في هاك الشفتين
و كرهت و متوحشتكش
و هاك المزيانة ضاق بيها الدهر و دارت دارت و رجعتلك تلوج عليك
و ملقاتكش
ريم ورق
Website Design Brisbane