وينك يا نصّي الثاني
Amna Belhassen - آمنة بلحسنوينك ...
وينك يا *نصّي الثاني * ؟؟؟
وينك يا * عشيري * ؟؟؟
وقتاه نتقابلوا باش نعيشوا الجنون
باش نخرجوا مالواقع الماسط
نحبّك و تحبّني مغير كذب و تمقصيص
نضحكوا بصوت عالي على حاجات مانفهمها كان انا و انت
نفهموا بعضنا من خزرة عين
نرقد على صوتك و نفيق على صوتك
وينك ؟؟ وينك باش تكون انت مرضي و دوايا
وينك ؟؟ وينك باش تكون كلامي و غنايا
وينك ؟؟ وينك باش نعاودوا نعيشوا صغرنا
وينك باش نعيشوا هبلنا
وينك باش نصنعوا حكايتنا
وينك باش تقسم معايا الحلو و المرّ
وينك باش تقسم معايا فرحتي و دمعتي
وينك باش تفهم مزاجيتي
وينك باش تحسّ بيّا
وينك باش تفهمني
وينك ؟؟ شبيك لتوّة متخبّي ؟؟
زعمة تطلع كيما رسمتك في مخّي سنين هاذي الكلّ ؟؟
زعمة تستحقّ انّي ستنّيت سنين هاذي الكلّ ؟؟
آمنة بلحسن
Website Design Brisbane