Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ولدي راجل ميسالش

impunite-societe-femme-hommeNaïma Dams - نعيمة الدّمس

نص ليل يتلاوح: ولدي راجل ميسالش

سكر، سرق، خطف: محنة و يبطلها ولدي راجل ميسالش

زنا و لعب ببنات الناس: نزوة و تتعدى ولدي يقعد راجل ميسالش ابكي علي قضات على شرفها

ضرب مرتو و خانها: كلو منها ما عرفتش تصون دارها، ولدي راجل ميسالش

سب و شتم و تعارك مع ولاد الناس و روح مدقدق: ، تبارك الله على وليدي فحل و يعرف يدافع على روحوا، ولدي راجل مايشلاش

ضرب اختوا : خليه يربيها و يلمها و يعاويني علاها

كلا حق خواتوا البنات : مالو الا راجل العايلة، كل حاجة في بلاصتها، ولدي راجل ميسالش

تبع الخلط و ضاع في القراية: مسكين غروا بيه، أما ماضاع شي وليدي راجل ميسالش

جا عيدميلادوا روحتلوا بكلاشينيكوف في يدها : خليه من الصغرة يطلع قلبوا صحيح، ولدي راجل ميسالش .....

بطال ملوح في قهاوي يكرك في التاي و رافض الخدم اليومية رغم الي رصيدوا التعليمي ميوصلوش حتى للمحطة الي تهز لبيرو الشغل: ولدي تربى في العز و الدلال، موش متاع الشقا و تمرميد و سيمان ...

الام التونسية المصنعة الاولى" للباندية و الانحطاط الذكوري" - حاشى بعض النوادر- و

منحكيش عل البو لأنو دورو المعنوي معدوم ...

نعيمة الدّمس
ولدي راجل ميسالش