وفى الكلام
Souha Najlawi - سهى نجلاويوفى الكلام
وفى يزي ما بكيت و تألمت
وفى يزي ما صبرت و تحملت
و ليوم فسختك من بالي و طريقي كملت
...
قلبي ليك سلمت
و قداش دروس في الغدر منك تعلمت
ليل مع نهار بيك حلمت
و من هالكوشمار ليوما قمت
...
وعدتني و للوعد كنت خاين
الغدر طبعك و هالطبع ما كان باين
...
وعدتني بدنيا كيف الجنة
خليتني نشوف التراب في يدك حنة
لكن الخوف و الغدر طلعو عندك سنة
لا التراب يولي حنة
و لا النار تولي جنة
...
مشيت من غير سبب
قلبك من حبي هرب
كذاب إتاجر في الحب
و تقول قلبي عمرو ما كذب
هذي رواية في الكتب
الشعر بيدي تكتب
لكن هالمرة إسمك عندي ما تتطلب
...
دمعة عليك خسارة فيك
شوف شكون يكونلك في الكذب شريك
أحلى سلام مني ليك
وفى الكلام بدمعة فب عينيك
بقلم سهى نجلاوي
Website Design Brisbane