يحبوا يدمروني,يحبوا يجردوني من مبادئي والقيم الي نمن بيها.. يحبوا يسيرولي حياتي ويردوها كالناس الكل حسب العادات والتقاليد.يحبوني نكون انسان عادي مسير .. مايحبونيش نخمم بطريقة مختلفة ومايحبوش الراي الاخر,يحبوني نبدل من روحي ويحبوني نبدل نفسيتي ونضرتي للدنيا ..

اما انا بش نبقا انا ونظرتي للدنيا هيا هيا,لا ينجموا يبدلوها ولاينجمو يدمروها,خطوتي هيا هيا لا ينجمو يسيروها ولا ينجموا يسرعوها.. انا هكا نعيش حياتي .. بالدمعة السكيبة والضحكة البريية,بالقلب المليان والفم المبسام بلمعة عينيا الي يحكيو حكايات والي هوما سر اللعبة سر الدن

الدنيا وما فيها.. اللقة الي تحكي حكاياتي وتروي احلامي .. انا نحب نعيش هكا,كيف ما انا بتخمامي وفكرتي,بحزني الكبير وفرحي القليل بدمعتي وتبسيمتي الي مل قلب وبحكايات الليل الي ما توفاش وعيني الي ما تغفاش هكا نحب نعيش و هكا نرا الدنيا.. كتاب و وردة شايحة بين اوراقوا ,حب صادق للدنيا و لعبادها ..