Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

نحبها...

amour-non-reciproqueMonia Messoussi - منية مسوسي

...نحبها إي نعم نحبها

...و نهار قلتلها

تعرفوا شنوا قالتلي؟

...قالتلي مانجمش نحبك

...تكذب عليا... إي تكذب

أنا نعرف إي هي تحبني...مش قد ما أنا نحبها أما تحبني  

...

...هي

...فيسع تتقلب عليا كيف ساعات نقول حاجة ما تعجبهاش

...من غير ما تفيق إلي هي ديمة تقول في حاجات ما تعجبنيش

... تجبد فيا ليها كل يوم أكثر مالي فات توا عامين مانيش فاهم كيفاش

...وكل ما نزيد نقرب...تهرب مني مانعرفش علاش

...كي نقوللها راني نحبك تقلي أخطانا من هالحكاية وخلينا حبيبات

...وكي نقللها علاش؟؟...تسكت وما تجاوبنيش

...

...نعرف علاش

على خاطر الدنيا جرحتها ووجعتها لين معادش تقدر عالوجيعة...أما أنا ...شنوا ذنبي بش نخلص؟

...

هي

...مرا مزيانة في تصاورها....ومزيانة أكثر في دنيتها

...مرا ذكية وحساسة و تفهمني أكثر ماللي فاهم روحي

...يمكن هذا إلي قربني ليها قد ما بعدعها عليا

...هي تعرف شنوا نحب

...وفاهمةأكثر مني البلاعة إلي غرقتنا الاثنين  من غير ما نحسوا

...أما الفرق بني وبينها إلي هي خوافة

...و متحبش تمشي الثنية للأخر

...ما تحبنيش ومتحبش تبعد عليا

...وبعد ما وصلتني نقول إلي أنا متاعها هي.

... تقف هي بعيد... في شطر الثنية

...تقلي الله غالب منجمش نقدم

...نخاف نبدل خطوتي نطيح

...خليني واقفة أضمنلي

...ونسات إلي أنا عمري ما نخليها  تطيح

...خاطرني نحبها

...ونحبها

...ونحبها

بقلم منية مسوسي
نحبها...