نحبك ونعرف ما يجيش ، نحبك وإنت ما تعرفنيش .. من أول مرة و- بعد اخر مرة قلت انا للحب معادش نعيش ، جيتني هدية العام وطفيت خوف قلبي وحليتلي طريق في حياتي ماكانش حتى مكتوب عليه "تحت التأسيس "..

ضحكتي سحرتك ، هكا قتلي في أول مرة نحكيو ، وريتها في لمعه عينيك ، كل ما إنا نضحك عينيك تضحك نزيد إنا نضحك ، عينيا يتسكرو ومعادش يشوفوا كان لمعة عينيك ، تخليني نسكت بش قلبك وقلبي يحكيو ، في العادة ، يقولولي شبيك ما تحكيش ، إنت الوحيد إلي تقلي نسمعك بقلبي مش بالصوت وحتى كان ما تحكيش مش مشكلة ، خلي عينيا تجي في عينيك وهما تو يفهموا ، هوما قالولي إلي هوما يحبوني انت قتلي نحب فيك قلبك ، قتلك راك ما تعرفنيش قتلي ما على باليش ، إنا روحي وروحك تقابلوا ، قتلك ما عندك ما ريت قتلي يكفيني إلي عينيك وضحكتك تغامزو ..

قتلي هبلت بيك ، بعينيك ووجهك ويديك وكل طرف فيك ، نحب نخبيك وما نحبش نخبيك ، نحب نوريك ونوريهم سعدي بيك ، نلبسك ونغطيك أما نخلي ديمة طريق لجنة بدنك ، لشفايفك و شوافرك وغزرت عينيك .. قتلك جنتك عند ربي ، قتلي وانتي جنة الارض انت غير إنت عزي وانت ضحكت صباحي وكي نمس روحك نرتاح وننسى كل شي ما نتفكر كان أفراحي ، نعبدك وربي المعبود يا ليا يا ماليش غيرك ، يا بيك نسرح بلاش حدود يا بلاش بيك نموت في قفص عليك مشدود نحطك فمقام عالي ، نخبيك بن الشفرة والشفرة وما نسكرش بش ما تتوجعش ، نعمل منك وشمة على قلبي نخليك محفورة وكان تمشي اسمك ما يخلنيش

إنت حرزي إنت حصن الحصين انت نور القلب وما يهمنيش فالعين ، حسيتك بقلبي .. انت إلي حتى كان تخليني