نحبك والله
Nedia Arraki - نادية عراكيالليلة اي الليلة شدني الوحش و الحنية ،الفرح اما الدمعة بين عينيا....
ايجا نحكيلك الي بيا،....
نحلم بيك و معاك نهجو للبرية و نرسمو ضحكة منسية و نعيشو ايامات هنية..
الليلة فكرت فيك برشا حسيتك بعيد عليااا.....
ما نحبش نشكيلك اوجاعي ،رغم انك قاري افكاري......وتعرف اخباري..ً
علا نفسدلك في وقيتك والحلم و الفرحة الي انت كنت متمنيهم معاياااا.
لازم ما نحكيش خاطر ديما نفسد الحاجات البنينة
...
اما والله فادة ماخنوقة لطوب ،وجيعة و الدمعة في العين سخونة ههههتصدق نتعاركو يا تهبط يا ترجع هكا نعدي في ليلتي عرك انا و دمعتي المخ وقت و القلب جبد روحو وتزاحمت الافكار
واختلطت كلمة منك مع شوي تخمام مع وحشة والعرك دزني و ندزك
هاني خلوضت والله ما نعرف فاش نكتب سيڨارو وري لاخر ،برشااا موزيكاااا مخلطة في راسي ..
نقوم نهبل زعمة نشطح و نڨز فوق الفرش،بالكشي ترجع الدمعة...
ياخي فاش نحكي فاهم حاجة هههه والله ما مزطلا ولا شاربة حاجة اه لا عملت 4قهاوي عربي لعشية
زعمة هوما اثرو فيااا ،،،لا عليناااا محلاه صوتك و محلا الحنية الدنيا بلا بيك زنزانة مشرية ...
تعرف انا راسي وجعني نخلوض برشاااا ههه ...والله هبلت والا باش نهبل ...لا هو انا هبلت كي عرفتك انا...تو تصور مثلا تكون عندك شهادة من الرازي و كلاشينكوف شتعمل هههه .ًيا معلم
هاني باش ن باش ندخل لعالم الارهاب يا لطيف....
افكار جنونية شيطانية،جنسية،عائلية،اخوية،قطوسية ....
لحظة منين جبتها هذه افكار قطوسية ايا تصدق وراس الرب منخاليهااا
ايا يزيينا مكانش باش تهبل في جرت مهبولة كيفي هههه
اما والله اخطا الفدلكة فادة و مخنوقة و الدمعة ما حبتش ترجع....ازااااح اااااااف ....
ااااااااااااااااااااااااااااااه والله الكلها من هالزمان موش وجيعة....
الاااااااه متاعي من الاصحاب لا من الاقارب الي تربيت و حليت عينيك معاهم وخسرت حياتك علي خاطرهم ....
ااااااا ه
اخطانا نرجو لحبنا.و شيختنااااااا المزيانة
نحبك والله
نادية عراكي
Website Design Brisbane