نتفكر
Chayma Jebnoun - شيماء جبنوننتفكر...
شعلت السيڨارو الأول ...الثاني ...الثالث ...
شي ميزالت بين عينيا ...
نتفكر كيف دفنتك حية ...
ماشي فيبالي راجل وباش نستحفظ على صبية...
طلعت خبيث ...ولقيتك نية...
طحت ...بعدت عليك ايدايا ...
تحرشت بيك ...بايدي ، وبعينايا ...
أمي تقولي وليه...
انا نقول عاهرة ...نخليها في الاخر مرمية ...
ناخو بنت الجار ملفوفة بخمار...
لا راتها عين ...ولا مستها يد غير ايدايا ..
يا ولدي ولية ...
تصبغلي تضحكني تشيخني ...
هاذيكا هيا ...
عملت اللي نحب ...راجل وماتعيب الراجل حتا حكاية...
هزيتها للخلاء... وين التراب والهواء ...
وين الرب والسماء ...
وخذيت الغالي بايدايا ...
غزرتلي ...وقالت ...شتعرس بيا ،؟
الحجرة ماتذوب ، وانتي من غلطتك ماتوب ...
كيفاه نعرس بيك... وندخلك لداري بين خواتي ...
ساياهنا وفا المكتوب ...
طفيتها كالشمعة ...
خليتها بين حرف ودمعة ...
ومشيت نجري لبنت الجار ...
عرست بمولاة الخمار ...
قتلتها حية ...
ويني الرجولية ...
عاودت كميت السيڨارو الرابع ...
والخامس في الثنية ...
شيماء جبنون
Website Design Brisbane