Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ميحبش

essai-seduction-desespereeSouha Najlawi - سهى نجلاوي

كيف تحب تحكي و تفرغ اللي في قلبك معشش...

كيف تشد ما تسيب و قلبك في غرامو مكبش...

كيف تتفكرو تتوحشو ماذابيك تعنقو اما مخك ميحبش...

كيف تحل عينيك و تخمم فيه و بعد تتفكر إلي قلبك عليه مغشش...

كيف لسانك في فمك ع الكلام يعكش ...

كيف الأفكار في مخك تتفرفش...

كيف الاحساس في قلبك يموت  و الدمعة بعد ما تجمد تتفترش...

كيف الصوت مل البكية يخرج يخرخش...

كيف ترى اللي داير بيك الكل مدغدش ...

كيف مخك يقلك يزي فركش ...

اما قلبك يصيح تعرفني فيه منحبش ..

كيف قلبك مل الوجيعة يتكسر يدشش...

كيف تتفكر الأيام كان فيها بيك يبشبش...

كيف تتفكر كي كان إسمك ع الرمل يخربش...

كيف تكره الحنة على خاطر هو ريحتها مايحبش...

كيف تتفكر كي الطفلة الصغيرة في يدو تتعنكش...

كيف تتفكر عينيك كيف تخزلو ما تنجمش ترمش...

كيف تكتب توة في كلامك الدمعة على خدك تنقش...

كيف تستناه يكلمك و يقلك راني ليك متوحش...

سهى نجلاوي
ميحبش