مقتلكش حبني...قتلك حسني...حسني كي تبدا تجبد عليا بدم بارد...حسني كي نبدا متقلقة و طايرتلي للسما..حسني كي نحط قلبي في يدي ويبدا يفرفط عليك...حسني كي نولي مريض بالسخانة نهتري بالوحش منك..

.حسني،كي نغزرلك في،عينيك...حسني كي نمؤت في صوتك...حسني كي منشوفك...حسني كي متطلبنيش...حسني كي،تشريلي عركة مل سما و تبيتني نغزل ...حسني كي نسهر نخمم عليك...حسني كيما انا نحس فيك..

منحبش نسمعها كلمة نحبك...الكلمة متعنيلي شي...متفسر شي...متحكي شي...عل شي اللي يجري في عروقي منك...حسني ...حسني و متحبنيش...حس كل كلمة نقولهلك...و كل وقتي اللي نعطيهولك...حسني كي نحاول منقلقكش...حسني كي نسمعك...حسني و متحسبنيش كواترو في حيط...حسني و،اقسم معايا اللي في قلبك و اللي في مخك...حسني و متخدمش مخك معايا...حسني بجواجيك....و ما عير ما تخطط في الفراغ....حسني خاطر انا نتنفس فيك....و مش لازم تسمع كلاك حلو...هاني انا نكتب فيه يزي...نحب نحسك بوقفتك...بكتفك يهزني...نحسك تعرف شمعناها نحبك

انساها كلمة نحبك...و حسني فيه الف بركة...حسني و ابعثها لمحبة...حسني و كهو...حسني و ما تغزرليش بلي نعمل ظفلة صغيرة...حسني و،اغزرلي بعين كبيرة...حسني و ما تعمليش فاها سي السيد....تعرفني نكوه الادوار...حسني...و انسى كل شي  ...إنسى كل شي...وجايعك...و مشاكلك...و كل شي متعبك...مدامك غزرتلي توا...حسني و كهو...نسمعك و نسكت...هاني قاعدة نحس فيك ...و ما تحبنيش...وقتاش تحسني!!!

تعرف شمعناها نتوحشك و منلقاكش ...تعرف شمعناها نستناك و متجيش...تعرف شمعناها انت غادي و،انا هوني...انت مع نسا أخرين...و انا بين الدمعة و،الدمعة نشعل شمعة...ندعي يا ربي يا خالقي...يبعدك علاهم و يقربك ليا...تعرف شمعناها عروقي تتنفسك...وشمعناها حتى راجل ما يحركني كان أنت...و حتى راجل ما يملاني كان انت...تعرف شمعناها نبات نخمم فيك...في،مرارك نبلع و نغص...جواجيا محروقة..مخيبها محبتك قداش توجع...محبتك ليعتني ...ليعات ليعات ...ليعات الوقت...الوقت رزين..بليد....كل شي هزو ريح...دار و صغار...حاجات حلمات...حكيانهم  ...في نهار من نهارت...رميتهم انت ..حرقتهم...ظفيت الضو و تعديت...نحبك و نكره محبتي ليك...نحبك و ظلامي منك...و شمسي غربت منك...نحبك و نكره النهار اللي حليت عليه انا فيك...نحبك...و نكره كل شي ودتني بيه ....نكره كذبك عليا...نكره غزراتك اللي مقريتهاش...نكره ك خاظر حسبتني كيما لخرين...نكرهك ....