معندكم وين توصلو
Wided Zidi - وداد الزيديمعندكم وين توصلو
يجي نهار و تنقرضو
يجي نهار و نحطولكم حد
وينهم إلي قالو لو كان الإرهاب رجلا لقتلته
هاه ولا راجل و مقتلو حد
حد ما يؤيدكم كلهم ضد
هاكم هزيتو سلاحكم و قتلتو أبرياء شنيا إلي ربحتوه؟
إلي يقتل بالغدرة جبان و ضعيف و الموت شوية فيه
فاهمين دينكم بالغالط وينو عقلكم إلي عطاهولكم ربي بش تفكرو بيه
متستحقوش الجنسية التونسيه إنتوما إلي ضيعتو البلاد
قتلتو ولادنا و السياح إلي حبو بلادنا خليتونا من حداد إلحداد
رجالنا و نسانا بش ياقفولكم و تونس حاميها رب العباد
كل تونسي و تونسيه يفخر ببلادو و عندو حس الوطنيه
ينحي الخوف من قلبو و يشارك في القضيه
كي نكونو يد وحدة تسهال العمليه
تونس تحب ولادها واعين و متعاونين في وقتنا معاش تكفي النيه
لازم نقضيو عالأنشطة الإرهابيه و نعرفو شكون ورا السلفية الجهاديه
علاه نكونو أول بلاد تصدر الإرهابيين إلسوريا؟
علاه ما تكونس تونس متصدرة في تقدم العلم و التكنولوجيا؟
وينهم إلي شادين السلطة في البلاد شباهم متحركوش؟
يلوجو كان عالكراسي و مشاكل الفقر و البطالة محلوش
شكون إلي يهرب و يدخل في السلاح؟
لازم نستأصلو الإرهاب قبل ما يزيد يسرح وقتها لا ينفع فيها لا مقاومه و لا كفاح
بقلم وداد الزيدي
Website Design Brisbane