مصابني جيت ولي
Senda Younes - سندة يونسمصابني جيت ولي ..
و بلوتك يشفعها سيدي النبي
و بنة عسلك حلال في حلال
و يشهد عليا العالي العلي
شاربك مع حليب الفطام
و حافظك مالكتاب كي صلاة النبي
و عينك المسمية طل عليا مالسفساري
كي قمرة في ليالي أربعطاش
و رمضانك عليا ماوفاش ؟
و يطلع الفجر و نصوم عليك
و إنت عاد ربي يهديك
قعدت قدامي و أنا المشتاق لشربة من جوف رواوريك
و تخرجني مالملة و وهج كنينك تحللها عينيك
و الفوارة تطلع لراس
و شهوتي ليك كبرت ولات عروسة
و مايفكها معاك كان فاس
أماا حرام و أنت حجر ألماس
و إنت دعوة عواشر واحلة في الجاش
و زاوية مكنزة ذهب من عهد الباي و ملاك ربي ماجاش
و كبش عنقو مالدم ماكفاش
البوخوخو المكنون في الصرة مانفع قدام عيونك ،لواش؟
قول .. رقية و إلا دڨازة كلهاا رماد قدام نار شونك إلي عليا ماحناش
سندة يونس
Website Design Brisbane