مر 46 يوم على رحيلك و الألم و الحزن ولد كبيرا و ما زال كبيرا. متوحشتك قد الدنيا و ما فيها مانيش حزينة الحزن ماشي و يهرب كيما مشيت انت كيما شقيت  برور و بحور و مشيت للغربة مشيت و نسيت قلبك في المطار .. تتصور الي انا نعيش بيك نهار و ليل فماش لحضة منتنفسهاش و انت مكش في مخي محبتنا كانت في مدة قصيرة اما عمرها لا لمحبة تقاست بالوقت .. عييت و انا نبعد فيك عليا قيلني اخطاني خليني  46 نهار تعادى و انا نعيش بيك و نعيش بكل لحظة عشتها معاك . عينيك خزرتك قحرتك ريحتك ..

عمري لا كانت عندي القدرة باش نحكيلك شبيني ولا كيفاه عشت بعدك مرا كيفي قوية عمرها لا باش يجي النهار و طيح  و طحت معاك اما بالواقفة طحت و انا شبعانة بيك كنت ديما تسئلني و تقلي نخاف من خزرتك كينها متاع عبد ماشي كينك تهز في شبعتك و ماشية و انا نعرف الي نهاراذاكا جايتو و جيتو تتفكر اخر نهار ريتك فيها خليتلك دموعي على مريولك .. و انا عارفة الي اخر مرة باش نراك فيها مانيش متغشة عليك بالعكس فرحنتلك لي حققت حلمتك ..

اي و حلمتي معاك ويني نسيتها في المطار .. توحشك و باش تبقى متربع في قلبي لاخر نفس ممكن نحب مرة اخرى اما كي محبتنا صعيب انتي محبة جات في وقت غالط اذيكا الدنيا ديما تجيبلنا العبد الصحيح في الوقت الغالط 46 نهار و العين مكفتش على الدموع 46 نهار مسمعتش صوتك  .. في طيارتك لي خذيتها خليت فيها ذكرياتنا خليت فيها محبة مرا عمرها لا تجرات و قالتهالك  .. حبيتك تحكي حبيتك تقولي هنا توفا حكايتنا .. حبيتك على قوتك و ليوم ماعادش عندك القوة باش تقولي فيلامان  .. مراة قوية كيفي عمرها لا باش تنهار مرا قوية كيفي تدفن محبتها في قلبها و تمشي .. انت مشيت و انا فسخت تصاورنا ..دنيتنا ..فيبالي باش نجم ننسى و منخلي شيء يفكرني فيك نسيت مافسختش تصويتك لي في مخي .. نحبك و حبيتك انتي ساكن فيا و عمرك لاك باش تغيب نتمانلك الخير من كلي قلبي نتمنالك تفرح اما تفكر لي فما مرا حبتك قدي .. خشمها الي واصل لسماء و قوتها منجمتش تتجرا و تقلك راني نحبك نحبك اكثر ملي تتصور .. انت محبة جات في وقت غالط و سكنت فيا نحبك ..