Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

محلاهم..

mentalites-gens-plageSoumaya Rahmouni - سمية الرحموني

محلاهم هاك الناس اللي تفرحهم التبسيمة ،اللي تفرحهم المشية للبحر

هاك الناس لي كيف نشوفوهم نتنفخو ونسميوهم "جبوره" 

هاك الناس لي يهزو الدلاعة ويهزو المقرونة والكسكسي والهندي. .

هاك الناس لي يصيفو مش في دار خلاعة ومش في hôtel ،

هوما لي ينصبو خيمة في البحر عندهم المباته في الشط كيانها weekend في احسن اوتيل، محلاهم ومبنهم. .

هاذوكم لي عارفين كيفاه يسرقو الفرحة من الدنيا ببساطة و بإمكانيات قليلة. .

هكا الناس ليفرحو ويربخوها في عرس فوق السطح وكراسي بلاستيك وباش اخضر ويشطحو لين يعياو ويعرقو والضحكة متفارقش وجوههم. ..

هما هاك الناس لي يفرحو بخرجه في كرهبة لبلاصة بعيدة هما لي يعطيو القيمة لحاجات عند برشا ناس مالهم قيمة. ..

هما ناس نحترمهم برشا خاتر عارفين يضحكو مالقلب ويفرحو بالحق رغم الظروف الصعيبة لي يعيشوا فيها ولي أغلبهم تولدو في وسط اجتماي قاسي مختاروهش كيف حد ما يختار امو وبوه. ..أما يعيشو أما يقومو أما يحلمو أما وصلو ومازالوا يوصلو. .ومخيبنا كيف في لحظة نحقروا غيرنا حتى من غير منشعرو خاترنا نتبهرو بالمظهر البراني ومتسرعين في الحكم عل الغير. ..خاتر كان نجربو للحظة نحطو ر واحنا في بلاصتهم ..منجموش حتى نتخيلوها.

سمية الرحموني

محلاهم..