ماهوش ذنبي
Rym Chaabani - ريم شعبانيماهوش ذنبي
كيف الوقت وقت إلي يهِدّْ
ويهِدّْ إلي يحاول يبني
ماهوش ذنبي
كيف الوقت وقت ألف عِلَّه وعِلَّه
إلي قرى وما لقى
و إلي مات وتنسى
وإلي وعد ونسى
و إلي غبر من نهارت إلي رْحَلْ يِلَوِّجْ على دوا
ماهوش ذنبي
كيف الوقت الكل وقف على ساعة قضا
وطاح الفاس في الرَّاسْ
وفاض الكاسْ
لا الأرض حابة مالدم تشيح
ولا الوديان قادرة كل إلي فاض تَرْفَعْ
ماهوش ذنبي
كان في نهار ما عطيت لفلان الأمان
وفلان قالو خوان
ماهوش ذنبي
كيف الوقت وسط الجوجمة والحِسْ
يدور على إلي بو بلاش يقيد الأحوال ويعس على العلة وبنت العلة و التحريكة والنفس
إلي يبزنس بزوز أبيات شعر وعركة مع بوليس
و إلي من البرة love and peace ومن داخل شريك في العمايل مع بليس
ماهوش ذنبي
كيف الوقت وسط الجوجمة و الحِسْ
يدور في الزناقي المعبية بنفس الوجوه نفس الحكايات نفس الحسابات
ماهوش ذنبي
كيف الوقت عاكس رأيي المطلّعْ وذوقي المبدَّعْ في عينهم
ويهزني من بيناتهم وينفضني يرميني قدام عينيك ...
ريم شعباني
Website Design Brisbane