سنين تعدو و ماعاش نعرف خويا ،، خويا اللي من لحمي ودمي ، ليوم هز يدو وضربني ،

اليوم خويا لفني ب تلاثة كفوف ، الحكاية مش ليوم اصولها ، لحكاية بدت من نهار اللي عمل هاك اللحية ، وتبدل ، عمل لحية ويتبع في الرسول ، عمرو ل الرسول كان يهز يدو على مرا ،

عمرو ليهين امو والا اختو والا يخليها بانسان يعرفو ، مطلبناش منو حتى شي كان ياقف معانا ، وهو تخلى على بابا في أقسى حالات ضعفو ، بابا انسان مريض وهو سلم فيه ، سلم فينا الكل ، هلاه يهود احنا ! والا منعرفوش ربي ، والا ما ربيناش لحية هذاكا علاه خرجنا من امة محمد ! عمرو ل الدين كان هكا ،

خلالي وجيعة عمرها ما تبرا و صحيح اكبر مني اما كنا نرقدو في فراش واحد في صغرنا ، كنا نلعبو نفس اللعبة ، كنا كي حسن وحسين وليوم تفرقنا ، فرق العمر مجرد عام واحد ، والا يشوف فيه حاجة كنبيرة وعلى اساسو مالازمنيش نفدلك ، كيفاش نفدلك والسلفيين ملزمهمش يفدلكو مع اخواهم الصغار ، عيب والا حرام ! ليوم قتلو كلام يوجع اما في مصلحتو باش يفيق على روحو ، ليوم ضربني و قسملي ظهري ، الخو اللي مالية عيني بيه كان طاحت بيا الدنيا يخليني في أول الطريق ،

الخو اللي مسخنة بيه كتافي اليومضربني خاطر نصحتو ، خاطر انا صغيرة اما نفهم خير منو ، خاطر حاسة كيفاه تخلى على بوه ووجعتني منو ، اليوم خويا بحجة انو اكبر مني مد يدو وهدني ، وجعني ، ذلني ، طيحلي قدري خاطرو أكبر مني ، مش هذي المشكلة و اذا هكا عامل من تو مالا كي يمشي بابا بعد عمر طويل شنو باش يصير فيا ، ! خويا اللي حاطتو فوق راسي اليوم ضربني ،