لا للإرهاب...
Sabrina Belhadj Alaya - صابرين بالحاج عليةفي الفجاري...
يدين الغدر طالت حبيبي الغالي...
طالت بويا خويا...
طالت بو الذراري...
نار بالجاش شاعلة...
نفس محروقة...
و كبدة مشوية...
مش علي طالتو رصاصة طايشة...
و مشى فيها ضحية...
أما على بلادي يا ناس...
على الخضراء الي ولا فيها الدم وديان...
و جثث ولادنا مطيشة في كل مكان...
ما تبكيش يا ميمتي ولدك شهيد الوطن...
ولدك حمامة سلام و فخرة لتونس وسط جميع البلدان...
ولدك ليه الجنة كيما وعدو بيها الرحمان...
و انت يا جرذ يا خوان...
بعت روحك للي مفيهمش أمان...
و بعت بلادك الي عشت فيها سنين في سلام...
خنت الماء و الملح...
خنت أحلى الأوطان...
أما أحنا توانسا و الوفاء علينا متسمي...
و حبنا لتونس في عروقنا و في دمنا يسري...
حب الوطن مش مزية...
و كل واحد يحاول يطولو نسكرو عليه الثنية...
قلوبنا قلوب ذيوبة...
و كلنا يد وحدة ضد ارهابكم...
ارهابكم الي ميخوفناش...
و سلاحكم الي ميوقفناش...
و اشهد يا زمان علي ما فيهم أمان...
علي كانو في بلادهم رجال...
و خرجو منها و ولاو جرذان...
صابرين بالحاج علية
Website Design Brisbane