انتي يلي راسك صحيح و ما عندك وين يدور الريح و كيف ادور تلقاني بحذاك نغزرلك عاشقة فيك و في غزرة عينيك و حمورية خُديك

تحبني؟ خاتر أنا نحبك و نعشق حنية يديك و كي تغزر للسما و النجوم تبرق في عينيك

كيف الطفل الصغير الضايع الي يلوج على امو، حاير و مهموم و قلبو مغموم

تحبني؟ اما أنا نحبك بشومك و لومك و همومك

قتلك تحبني؟ مش قتلي تحبني؟

نهارتها قاعدين تحت العنبة و قتلي كان نلقى ندخل عندك و نتخبى و ماعادش نخرج، نحب نضيع فيك و نهرب ليك و نسرح مع دقات قلبك

غزرتلك و جاوبتك و فضحوني عينيا

اما وينو هذا لكل؟ كلامك و حبك و كذبك، يلي راسك صحيح كل شي مشى فالريح، مشى و معادش يرجع خاتر الي يتكسر، الي تكسر معادش يتصلح و أنا منك وليت متملح و حلفت بدين الرب معادش نرجعلك خاتر الي كيفك

معادش يتقرب، اذهب!