سبب عيشتكم..

مصدر وسخكم و نذالتكم..

سبب فقدان انسانيتكم..

و بفلوسكم تجردتو من عفويتكم..

ههه لفلوس اي لفلوس..

ماديات و فليسات و فازات..

ههه لي  بيهم يعيش و يربي الريش  ..

كل شي بالفلوس..

صحتك..  ماكلتك..  شربك.. فرحتك و تفرهيدك..

مرتك و صغارك..

شرفك و حتى  من افكارك..

افكارك تبيعهم بالفلوس..

تعبك و شقاك..

عرقك و همك..  تخمام و حرقان اعصاب..

تهز و تلطخ..

كل شي يشريوه و يفكوه بالفلوس..  بالدحوس..  الي يحوس و اللي مريض ينوس و الي تعنق و تبوس..

كلو بالفلوس.. لفلوس ترد الشايب عروس..

هي لي ترد السيد  خادم في سرايا الذيب.. اللي شعرو بالشيب  .. الي نسى العيب..

الي معادش يفرق بين حلالو و حرامو..

الي سرقولو ايامو.

الي دفنوه في وقت الغفلة..

لي عندو لفلوس يقول محلاها الدنيا حافله..

و الزوالي يكفر بنعمة ربو و يقول الدنيا سافله..

لي عندو لفلوس حكم في رزق البيليك.

و الي معندوش يرقد و يحلم بالشيك شيك..

لمشكل مش فالمكناسي هه لا لمشكل من بنزرت لبنقردان..  لمشكل مش ف تونس لمشكل مش فالعرب المشكل فالعالم لكل..  لكل لكل..

يقيموك و يقيسوك بصباتك..

تدخل يفرحو صحيح اما مش بيك يفرحو بالمنقالا.  كرافات.  لونات.. و (carnet de check )..

واقعنا تحطيم..

تفليم..

و تنديم..

يندموك و يعايروك بفقرك..

في كل فرصة يسعاو لقهرك..

فلوسكم تشري السينيي..  فلوسكم تشري اللوفريي... فلوسكم تشري لبارفان كاشتيي..

اما ما تشريش لموتا..  ما تشريش دمي..  ما تشريش قلب امي..

ما تشريش صغري و فرحتي ببرج الدلاع..

ما تشريش ضحكة مالقلب.  ما تشريش الله غالب ماتشريش

ما تشريش راحة بالي كي نحط راسي عالمخدة.

ما تشريش لمعة لي في عينيا..  ما تشريش لمة خواتي..

ما تشريش تصنيف خلاتي..

ما تشريش مهبة العيد من عند عماتي و مماتي.. الله غالب ما تشريش  ..

مش خاطر فلوسك شوية مش خاطر حفرولك فالثنيا..

ما تشريش خاطرنا مش للبيع..

خاطر الرخيص للبيع..  اما لي كيفنا مرصع بلعنة..  لي يحاول يرشينا و يشرينا تصيبو طعنة..

فلوسكم  صحيح وسيلة عيش أما مصدر بؤس و نكد كي تمتلك كل شي