كلام الناس عبيت منو شكاير..  عملت و إلا ما عملتش..  

هذاكا علاه عمري ما عدلت عليه..  نعمل إلي نحب، نقول إلي نحب، نتصرف كيما نحب، نمشي كيما نحب، نلبس إلي نحب، نحكي مع إلي نحب، نخرج وقت إلي نحب.. 

المهم نعمل الحاجة إلي تريحني و مقتنعة بيها.. هوما بش يقولو هكا وإلا هكا..  عادي ماعادش نركز معاهم.. العباد مرضى بهزان و جيبان الكلام..  ما يخليو حد في راحتو..  و كي تجي تشوف العباد الكلها عندها عيوب ما فما حد كامل أما كيما يقولو فيها الجمل ما يراش حدبتو..  

- علاش؟ علاش الناس لاهيا ببعضها؟ علاش الناس تلوج على أغلاط غيرها و تستنالو في الزلقة بش تفضحو؟ علاش ما تنجموش تعيشو كي الغرب؟! عمركش ريت فرنساوي لاهي بجارو شنيا شرا جديد!!!. شنيا لابس و إلا شبيه لابس هكاكة!!.. ما لقيتو تقلدوهم كان في الحكايات التافهة؟..

- إرتقوا أمان في تفكيركم راو عيب اللهوه بالعباد..  بالله شنيا بش تربحوا كي تحكيو على طفلة.. والله ما تربحو كان دعاء الشر و الذنوب بالجملة..  

- آخر كلامي..  ربي يلهينا في حوايجنا و ربي يعطينا جار بلاش عينين..  إتقوا الله راو كيما تحكيو عالعباد بالكذب وإلا الحقيقة بش يجي نهار و يرجعلك ليك و إلا في ذريتك و زيد لاهو بش يزيد

و إلا ينقص فيكم شي غير الذنوب..

-  تطوروا .. تقدموا .. إرتقوا .. في مخاخكم و تفكيركم قبل كل شي.