اصعب انواع من الحب من طرف واحد هو انك تحب انسان و هو يمثل عليك الحب و ديما يستغل نقطة ضعفك و لهي حبك ليه و خوفك القهري من إنك تخسرو باش يعمل كل حاجات غالطة و نهار لأنت تحاسبو على أفعالو و تطلب منو توضيح .. يهددك بالبعد ولا تسكت و تقبل الوضع كيما ه‍و .. بالرغم من انك ضحيت على خاطرو .. صنت حبك ليه و لا نهار خممت باش تخزر لغيرو و في آخر المطاف يجازيك  بالخيانة و كلو تحت حماية "حبك و انك باش تسامحو "  

و يتصور انت باش تبقى طول حياتك خايف متنجمش تتحرك من غيرو .. لين نهار كلمني الفجر تفجعت قلت هذا صارتلو حاجة هزيت عين مغمضة و عين محلولة مزلت مقلتش ألو سمعت صوتو  و هو يحكي و بغصة قالي ' توحشتك .. سامحني غلط معاك .. هيا نرجعوا كيما قبل و أحسن .. إيجا ننسوا لفات و نبدوا صفحة جديدة سامحني مريتيش بالعملتوا على خاطري  '( الحقيقة أنا قداه ليا نستنى فيها اللحظة هاذي مش على خاطر مزلت نحبوا .. لا لا !!

حبيتوا يكلمني باش نفرغ فيه قلبي و نرد إعتباري لا أكثر و لا أقل ) و جاوبتو و أنا ' هههههه في بالك كرهتك .. و الله وليت حتى صوتك منطيقش نسمعوا ..

كرهتك وقت لنكلمك و تقلي لاهي و تعلق من غير متعرف شنوا فما ..

نكرهك وقت لنستناك ليلة كاملة و في الآخر ترقد و تنساني  ...

نكرهك وقت لنستحقك و منلقاكش ..

نكرهك وقت تبدى connecté و متكلمنيش ..

نكرهك كيف تقلي نتقابلو و نستناك نهار كامل و باعد تكلمني تكذب عليا إنك تشديت في قضية و انت كنت عندها ..

نكرهك خاطرك خنتني مع لتسوى و لما تسواش ..

كرهتك على كل فازة وجعتني بيها على نبزة و على كل كذبة كذبتها عليا و  انا صدقتك خاطرني كنت نحبك و ركزلي برشا على 'كنت' يعيشك " و علقت و انا قلبي دم أما كرامتي فوق كل راجل

و انا تعلمت اني نواجه مخاوفي و نبني منهم قوتي باش تعرف انك معاد  تعنيلي شئ ... و كيف ما خنتني انا باش نخونك ... و خليك متفكر لحكاية هاذي .. تفكر انك انت لخلفت بوعدنا ... و متنساش انت لسلمت