كبرت
Rim Souhail - ريم سهيل
عام ورا عام ليام تجري بيها
عام ورا عام ليام تجري بيها
عشرين مالسنين واربعة مالغبينة
تتلفت وراها امس في ليام كانت بنية صغيرة
ظفيرة وقربيطة و روبة زاهية بالزينة
تسمع في الضحكة وهي طايرة فوق الدرجيحة
الفم يضحك والقلب خالي من الاخزان
تعادت ليام اسرع من المنام
والضحكة ولات شهقة والدنيا الدرجيحة
مرات تعلّي ومرات توطّي ومرات طيّح ماتقوّم
عام ورا عام ليام تجري بيها
عمرها تعدي خسارة وخسارة في خسارة
صغرها تعدي ضيف كي الصيف
منامة جميلة قعد منها كان الطيف
شبابها طلعلها منو الشيب
في عوض يكون ربيع كانلها خريف
ايمها حزينة رزينة
نسات معاها الضحكة وحتي التبسيمة
حبت تنسي هم الدنيا وهو ماهو ناسيها
شاد فيها صحيح يونس فيها
طفي شموعها الاربعة وعشرين
ورجّع بنت العشرين عزوز في الستين
وهي ريشة وسط الريح
بإمضاء صديقتي إيمان
ريم سهيل
Website Design Brisbane