نسإل روحي كيفاش و آش صار. كل شي تبدل في ليلة و نهار ، نسيت الوجيعة و الأمرار ، نسيت التعب و المآسي و نسيت كل الي كنت نقاسي ، رجعت معاك صغيرة ، ندلل نلعب و نحس بالغيرة، نغير عليك من نسمة الهواء ،تي حتى من غزرة الغير ..

نتمناك ديما معايا نعنق و نبوس بهوايا. نتمنى نعيشوا في دار داير بيها النوار و ما عنا حنى جار. نكونوا مع بعضنا ليل و نهار . تي شفيها كان حبينا و نعملوا كل الي يخطر علينا ، شفيها كان ببعضنا ما تلهينا ، تي شفيها كان كل ما تخطر على بالي نقابلك حتى كان في الليالي . و الا العادات والتقاليد أهم يا غالي. تي شفيها كان ننساو الناس و نتبعوا كان الاحساس .