قلي علاه

Hanene Bennouri - حنان بالنوري

قولي علاش كي نكبرو معاش نلعبو شدة في الحومة..

قلي علاه كي نحبو ما نقولوش..

قلي علاه كي نخرجو منشوروش..

قلي علاه حلماتنا تقعد حروف عل ورق و يجي وقت و نقطعوه...

قلي علاه كي نتقابلو ما تجبليش وردة حمراة..

قلي علاه ما تحبش الخضرة...

قلي علاه منقعدو ش ليلة عل ضو القمرة...

قلي علاه الطفلة اللي حبيتها ما حذيتهاش...

قلي علاه لعباد تحسد...

قلي علاه الظلام تتجبر...

قلي علاه ليتيم وحدو قليش عليش براني عل عالمنا...

قلي علاه كي عجوزه تخرف ما تتلهاش بها ...

قلي علاه منحلوش يدينا للمطر كي تصب...

قلي علاه منتعلموش نعطيؤ من غير ما نستنو يرجعلنا ....قلي علاه

قولي علاه المراة كي تعرس تبدا تتحوشم..

قلي علاه الراجل ما يبكيش حتى لو كان هو حنين...

قلي علاه منركوبوش جناحات و نطيرو....

قلي علاه كي تحط سقيك في دنيا اول مرة تبكي...

قلي علاه تجينا ضربة من اقرب ناس لينا...

قلي علاه كي تطلع الشمس ما نحلوش الشباك بش نشوفها...

فلي علاه نخافو من كلام الناس اكثر من ربي...

قلي علاه نخيرو الفلوس عل لعباد...

قلي علاه كي نعملو الخير نحكيو عليه و نتفخرو...

قلي علاه الزوالي ما يخلطش عل فرحة...

قلي علاه الدنيا كل مرة بوجه....

بقلم حنان بالنوري