قلي انت فين
Ali Cheikh - علي الشيخهات بوسة
خليهم بوستين
تعنيقة و بسمة تمسح دمعة عين
و بوسة عالجبين
يحمارو الخدّين
و حبنا يصير حبّين
تي نعرفك تعرفني قبل ما نتخلقو لثنين
وقبل مالكون صار في عشرة ايام وليلتين
كنت حزين
وكي عرفتك..الفرحة جرات فالعروق و دمّعو العينين
وما ننساش ايام فاتو و نهارين
وقت نتقابلو فالظلام هاربين مالوالدين
القلب دقّاتو تزيد و النفس يصير نفسين
و عينيا فيك واحلين
و ننساو احنا فين
و على خاطرك نعمل ركعة و ركعتين
و فالفجاري ندعي لربي دعوتين
دعوة باش حبنا يدوم ودعوة باش يجمعنا لثنين
وقت تجي العين فالعين..
تقول شاربين والا متكيفين
شاربين عنب مقطّر ومتكيفين جمرتين
جمرة تلهّب لخدود والثانية تفرّح لحزين
و تو بعدنا..
انا فين وانت فين
انا الكفر وانت الدين
انا المشوّه وانت الزين
فراقك خلاني نسكر كل ساعتين
و كي تواتي نعمل سطر و سطرين
نخرح من عقلي و معاد نفرّق بين القاف و السين
يا زين
قلي انت فين
نجيك نجري حتى كان على عامين
و ندخل لدارك برجلي ليمين
ونحط بخور و عنبر و نزيّن بيتك بنوّار الفلّين
نجيبلك قرنفلة ومعاها زهرتين
ونقلك حبي ليك صادق و متين
ما ريتكش من عامين
نهتري بيك عقاب الليل و سعات نعمل تصبيحتين
والكلام هذا منين
وانت فين
وأنا منين
فارح والا حزين
والا كنت واحد و صبحت شطرين
يا ام الgد والزين
يا طفلة ما عرفت طريقك فين
يا غناية فكلمتين
ويا رسمة بديتها وما كملتش ليها سنين..
علي الشيخ
Website Design Brisbane