في فني عمري مانسلم
Rim Wrak - ريم ورقتونس يا بلادي راني نحبك
و الله نحبك
اما نكره العفن لي عشش فيك
نكره شعبك و تخلف متاعهم نكرهك انتي بكلك
تخنقني
توترني تقززني
هربت منك ليك
خرجت نحوس في شوارعك و نتفرج
ظلما طافية كحلة بلا روح
ناسك مسلسلين
مكتفيين
افامهم مسكرين
مغصوبين
كسرت قيودي
شبشبت شعري
و لالوانك راني حنييت
جرييت جرييت
و تحت الحيط ضهري مديت
و تكيت
عينيا تحت شعري خبيت
عودي و قيتارتي شديت
دربوكتي مديت
صوتي عليييت
و غنييييت غنيييت غنيييت
دارو بيا و صفقولي
شميييتها و ريتها
ريت الحرية بممو عينيا
ريت الوانك يابلادي
ريت الضحكة في وجه طفل صغير واقف يتفرج باهت فرحان
تبسيمة على وجه شايب عايب يسمع و يتلذذ
موزيكتي البنينة
سر ضحكتي و ضحكتك و ضحكتهم
سر شيختي و شيختك و شيختهم
سيبني ماتمسنيييش
على موزيكتي ماتبعدنييش
ماتكلمنيييش
متخلف راك ماتفهمنيييش ماتنجميييش
حيوط حبوسكم ماتخوفني
باقي نغني
شمااتااا
و انا في فني عمري مانسلم
ريم ورق
Website Design Brisbane