طفلة صغيرة يتيمة ، يتيمة الام و البو ، يتيمة الاخت و الخو ، يتيمة الروح و القلب ، يتيمة حلمة حلمتها و هي صغيرة كيما الصغار الكل ... طفلة صغيرة حطمتها الحرب في لحظة ، طفلة صغيرة مالقااتش وين تهرب مالحقيقة ، كل يوم عبااد ميتة ، كل يوم دار مهدودة و عبااد مشتتة ، ليل على نهار و هي تسمع في صوت الكرتوش و القنابل و الدبابات ، معاادش فاهمة شئ ، صااي خسرت كل شيء قعدت وحيدة ، عبااد تتعارك عالكرااسي و هي تتعارك مع روحها .. تحب تصدق فلي قااعد يصير ، عباد أعطاهم الفلوس و مايهمهمش الروح عندهم كالذبانة ، يتعااركو يحبو يحكمو دولة أما مشافوش الطفلة الصغيرة و العباد اللي تموت كل يوم ، محسوش بيهم و الا قول كيفاش بش يحسو .. ،

هوما راقدين متهنين في العز لعينيهم بخير الشعب .. أما الطفلة الصغيرة و اللي كيفهاا عايشين في خوف ، في دماار ، ماهمش عارفين و قتاش تجيهم كرتوشة و الا قنبلة ترتحهم مالعذاب اللي عايشينو ، حيااتهم ولات جحيم في جرت اليهود ..، معادش عاارفين شنيا يعملو يستسلمو و الا يكملو يحاربو ، طفلة صغيرة يتيمة بلادهاا ، بلادهاا فلسطين و عاصمتها القدس ، بلادها اللي قااعدة تحاارب سنين و سنين ، بلادها اللي حبها كبير و صغير ، بلادها اللي بش تحارب عالقدس لاخر نفس