مرات يبعثني ومرات يقلي نحبك ، مفهمتش ، كلمة وحدة منو تذوبني ولمسة منو تشعلني ، هو الحب كلو ، الدنيا الكل عندي ، روحي وعقلي و اما لتو لفهمتو ، كل ما ينبزني بكلبمة دمعتي تهبط و كي نبدجى معاه نشد دموعي اما قلبي يوجعني برشا ، نحبو ، هعالكلمة شوي علي في قلبي ليه ، نعشقو و روحي وعقلي فيه ، هه مسخفني قاعد مقابلني وانا نكتب عليه وهو ما علابالو اصل ويحكي مع البنات وكل مرة طفلة تكلمو ناري تشعل ،

نفد كي تبدى دارة بيه اي طفلة ، نموت بالغزول وهو يعرف هذا وعامل بالعاني ، ياخي يكرهني ! لا اما يحبني كيما نحبو! زادا لا ، ههه نسأل ونجاوب وحدي ، نتبسم وحدي و نغلي وحدي وهو وينو ! قدامي اما مش حاس بيا ،مخيبها ، نحب نعنقوا ، متوحشتو ، توحشت روحتو وهو بين يديا ، شبيه هاز خشمو عليا ، وجعني ومغلطتش معاه ، هو غلط ومع هذا كلمتو كي ريتو ، علاه قلبو قاسي للدرجة ، علاه ميحبنيش كيما نحبو ، علاش قلبو ميشعلش كي نبدا مع طفل غيرو ، للدرجة قلبو بارد والا للدرجة ميحسش و ماهو قال راهو يحبني و تو هذا حب ياخا :: الحب اللي يخليك تبعد على اللي تحبو وهو قريب منك برشا ! للدرجة ينجم يتحكم في مشاعرو ! شبيني انا منجمش ودوب مانشوفو

نذوب وقلبي يدق بالقوي لين ماعاش نجم حتى نهز عيني فيه نخاف ليحس بيا ويزيد يطفيني ويستحلى انو يطفيني ، حرام عليه حبيتو ، اما هو مش لاهي بيا مش معبرني ، كل شوي تلقاه مع طفلة ،فديت ،نحبو ليا وحدي ، حاسة دموعي بش تهبط ، منحبش نشوفو مع غيري نهبل كي يقول لطفلة توحشتك حتى كانهم اصحاب عاديين ،

نفد كي نشوفو قريب منها والا يدو في يدها ، ، بكلمة حبيت نوصفو اما حبي ليه أكبر من اني نوصف حبي ليه بكلمة وغيرتي عليه أكبر من اني نوصفها بكلمة ، ربي يصبرني راو الموت اهون من اني نشوفو مع حتى وحدة غيري اما هو هكا حب ، هو يحب يغزلني اما مش عارف انو غيرتي قريب تقتلني واذا هو بالرسمي يحبني كيما يحكي باش يخسرني خاطر يمكن تقولو انانية يمكن حب امتلاك ميسالش المهم انا نعشقوا ومنجمش نشوفو مع غيري ،

و على فكرة زعمة كي نموت يحس بيا والا ما تتحركلوش شعرة ! زعمة كي تفرق معاه اني نموت والا مش تيحس بغيابي ! ههه ملا اسئلة يمكن كان يقرا يقول هذي هبلت ، اي هبلت و الغيرة زادت عليا ، قتلتني ،،