Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
غناية
Hadhemi Ben Abdallah -حذامي بن عبد اللهيا غناية مكتوبة بحروف الرواية
و البسمة فضيحة قدام المرّاية
أش منك من معنى و حكاية
أش منك من كلمة بَكّاية
ناس تسمع و ترنن
و عريبة تبكي و تتشنن
و الهدرة وين و الغزرة فين ؟
في سفينة على موجة البحر ؟
في نسمة الليل حب و شيخة العمر
ووين الويل و الرحمة في القبر
و القلب معبى تقهر
و أبكى على زمان صاحبك تغدر
و البنات مزينة في سهرة مڤينة
و العزوزة تلاجي و الشايب ينادي
أجري نهارك راح في غناية زهرك طاح
و الحلمة كبيرة بكذبة صغيرة
وردة و خوسة و في قلبك عروسة
******
و دنيا طايحة كزروس
و المخ تحرق من جرة زنوس
و اللحن في القلب محبوس
و لا ناس تعلّم و لا بكوش تكلّم
و لا بنية فى همك تخمم
والدنيا ضباب و الغدارة أحباب
و نبيح الكلاب فرّق الأصحاب
و الغناية كي تولى صياح
و الفكرة فى راسك كلاها شياح
و الحلال مسموح
و العيب مفضوح
و تخمم و تتهم و الصوت يتبع في راسك متربع
و تعيط ما يسمع حد و يضيع العمر و حالك يتهد
في غناية عشت حكاية ..
حذامي بنعبدالله
Website Design Brisbane
Tags: