غرقت في حلمتها

revoltee-decueSiwar Mejri - سوار الماجري

كرهتك.. كرهت كل لحظة معاك.. حتى روحي كرهتها.. كرهت أكا ضحكة.. أكا تبسيمة.. أكا سهرية لي ما توفاش.. كرهت الدنيا.. عشت في حلمه.. حلمه كبيره فيها سما صافيا و ناس فرحانه.. فيها عالمنا المزيان.. عالمنا لي ما يغدرش.. و غدرت و قمت مالحلمة.. قمت ماكا الكذبه.. الكذبه المزيانه.. الكذبه لي عشت عليها سنين و ليالي.. أول مره نحب كذبه.. زعمه خاتر محلاها؟ و لا خاتر حياتي فيها؟..

نجري نجري نجري نحب نخلط للقمرة.. أنا نقرب و هي تبعد!.. أنا نضحك و هي تبكي!.. زعما تبكي عليا؟ و لا تبكي معايا؟..

مشيت..مشيت و خليتني.. خليت أكا الطفله الصغيره.. أكا الطفلة الضايعه..لي رسمت بيبان و وديان.. أما وديان غارقه! و غرقت.. غرقت في حلمتها.. غرقت في ضحكتها.. و يا ريتها ما حلمت...!
غرقت في حلمتها