عيد يا ملا عيد

Emira Mannai - أميرة المناعي

هو اسمو عيد اما اسم بلا مسمى

عيد حرقة للي خطفت منو الموت اعز الحباب

عيد شوق لكل يتيم

عيد اوهام لكل حبيب مفارق الأوطان

هو مش عيد فرحة

هو عيد تحيير مواجع للي يبكي بالشهقة

وللي غلبتو الوحدة

عيد يا ملا عيد

أما كيف ما قالو العيد جا هانيو بعضكم و تسامحو

اما شكون باش نهني ..؟؟

الطير الي بلا جناح

ولا الشمس الي تغرب م الصباح

باش نهني الأم الي تشوات على صغارها

ولا باش نهني الي قلبو حزين جرت الفراق

نسامح ,,, ؟؟

شكون باش نسامح ؟؟

باش نسامح الي خان وبعد منغير هوان

ولا نسامح الفجر الخوان الي يشرق بوجايع قلب الحيران

نسامح الصاحب الي قي وجهك يحطلك تيجان وفي غيابك تتهان

نسامح الي ضلمني وخلى عيني ما تنام

سامحو انتم انا منيش مسامحة

هنو انتم انا هنايا في قبري

افرحو انتم بعيدكم

انا عيدي ضيعت ملامحو ونسيت طعمو

وما تنسوش تفرحو العيد راهو فرحة !!

بقلم أميرة مناعي