توحشتك كي تخزرلي لعيني ، توحشتك كي تقربلي تبوسني من جبيني ، توحشتك و قد ما تحضني ما يزيني ، انت اللي بدت حكايتي معاك بصدفة ، عرفتك و كان أحلى نهار شافاتو عيني ، أول ما ريتك حبيتك ، وأول ماحكينا تمنيتك ، تعبتك اما ماكانش بيدي ،سمحني يا نور عيني ، كيفاش ملكت قلبي بالسرعة هاذي ،

حبي ليك مش ك أي حب عادي، وليت نرقد ونصبح نخمم كان فيك ، طيحتني خزرت عينيك ، انفاسك اللي كي تقربني تسحرني ،يديك اللي من لمسة تملكني ونتمنى في لحظة نكون ليك بكلي ، مجنونة انا بيك ، وديما ندعي انو ربي ليا يخليك ، ويصونك و يقربني في الحلال ليك ،

حبيتك وعمري ما ننسى أول مرة جت عيني في عينيك ، أول مرة ضحكتلي و ضحكتلك ،ماكانش في بالي اني قلبي ليك باش نسلم ، كل ما نفعد وحدي ديما فيك انت نفكر ، شغلت بالي ليل ونهار ، نستنى في النهار اللي باش نكونو فيه لبعضنا ، نستنا وقتاه يسهللنا ربي و حبنا يشوف طريق واضح يمهدلنا لمستقبلنا وحكايتنا ماتبقاش مجرد حكاية ،

عشقي ليك أقوى من انو يجي نهار ونبعدو ، أقوى من انو نجم لحظة ننساك وما تجيش لبالي ، حبيتك وقلبي عطيتك و عمري سميتك و بروحي كان تطلب نفديك ، يمكن تقول كلام أفلام و مفمش منو اما عشقي ليك يخلي قلبي يدق بالقوي وينسيني في كل وجيعة في الدنيا ، ينسيني كل حاجة خايبة تعديت بيها ، كل حاجة تنجم في نهار تعكرلي جوي ،

انت حياتي وحاضري ومستقبلي ، انا اللي بلا بيك نضيع خاطرك انتي البو والخو والصاحب والحبيب ، مرات نشوفك هاذم الكل ومرات نتمنى لو نحضنك وفي صدري نخبيك ، في قلبي نحضنك وندفيك ، الماضي ووجيعتك نسيك ، على أي حاجة تقللقك نبعدها عليك ، انت روحي و عقلي و مالك قلبي ، وعمري ما باش نسلم فيك