على برى جابوني
Maroua Souayah - مروى سويـحاليوم من خدمتي طردوني
إليوم على برى جابوني
موش على خاطرني دوني
لا، لا موش على خاطرني فالخدمة معلى بالي ومانيش هوني
موش على خاطر كركار كركروني
بالعكس اسعة شكروني و مجدوني وهنوني
وبخدمتي شهدولي
أما طردوني
طردوني على خاطرني من هوني
طردوني على خاطرني تونسي
ذنبي جنسية مخطرتهاش و بلاد تخلقت فيها عشت فيها ومخليتهاش
ذنبي إنتي يا بلادي
طردوني على خاطرنيمن بلاد جات تفركس عل الحرية غولطت فالباب
بلاد حلت ببان الديمقراطية للإرهاب
إليوم من خدمتي طردوني
إليوم على برا جابوني
البارح سفقولي وبالثورة هنوني
واليوم طردوني
إليوم على خاطر ترابك يا بلادي باعوني
وقالولي هاو الباب من هوني وبالهجرة نصحوني
عندهم الحق اش مزلت نعمل هوني؟
نحبك يا بلادي أما فالعيشة فيك كرهوني
طردوني أما فيقوني
اش مزلت نعمل هوني
بقلم مروى سويح
Website Design Brisbane