_  اي انا الي قلت للمحبة غوري فيلامان انا نرجعلك هه يزي ماريت شمرجعني للهبال اي انا الي سكرت الي سكرت من مدة طويلة على روحي البيبان وقعدت وردة ذبلت وماراها جنان اي انا الي كنت لادم كالترينو شادة السكة لقيتو خلاني وخذا تاكسي الي طالع فيها كان يتكى اي انا الي كلمني فلان وخطبني علان و لا حبيت ولا ملت ولا حسيت يارهبان

انا الي هزيت لخشم ولي يكلمني نقلو اخطاني مالمحبة يا هم انت انت ومنين جيت ومنين طلعت وما عمتلك حسبان انت رجعتني للمراية ووردة الظلام تحيرت و تترجى الجنان خرجني للشمس نراه ونرجع نزيان انت حيرت العشقة واللهفة والشهوة الي دفنتهم من زمان

انا الي حقرت وصديت والي يقربني بلحضة ننفيه و اذا بي نحصل كيما يحصل من حفر جبا لاخيه

انا الي نويتك و بديتك ومشيتلك وترجيتك وماريتك ا

نا ماحبيتك انا ولا هويتك انا ادمنتك وفي روحي خبيتك .

انا الي ناديتك عارفة هواك مشوارو بعيد ومامعروفة نهايتو اكيد لكني خطوة خطوة بهالطريق جاييتك وتوكلت وبديتك ومن غير حسابات في قلبي حطيتك ..

انا الي نعرف نفرق بين الحلال والحرام ناوية نوهبلك كل ماعندي ولو ربي حرقني نقلو علاش تعاقبني على غرامي انا عاشقة مش باغية تزنى يا حنان .. نتمنى نراك ومانتكلم الا بامرك ورضاك .. شمسي الي غابت تشرق بغزرة من عينيك عروقي الي جفت تنعش ببوسة على شفايفي منك .. وريقك يهبط كالمطرة في فمي يغسل كل الاحزان ,.. والي تخبى في حواء عندي يصحى و يبان

انا الي نتمنى ونستنى يا رهبان ..

انا الي عطيت بظهري للي يدلل ويستنى و شديت شباكك مسكينة

وانا الي نستنى نتنفس في هواك وماريتك نتلوى من العشقة وما خطيتك غمضت عيني نحب نرتاح اما هاني حتى بمنامي ريتك نحبو ونحب عشقو لامو ونحب هبالو ونحب الكشة لي تخرج من فمو ونغير اي نغير ملي يراها و يلمحها وملي وذنيه تتطرب لمسمعها لبستني كالجان نرعش كي نتفكرك يارهبان حن علي اظهر وبان نفيق بيك نرقد بيك نحزن بيك نضحك بيك ووين نتلفت نلمح فيك لا انت احسنهم لا انت الطفهم لا انت ولا انت ولاانت ولا انت ولا انت ..

اما انا حسيتك كان انت وخاطرها عشقة هبال منعت على روحي حتى نرد السلام على علان و فلان هبلتي تقلي حتى الكلام ما غيرو خيانة للعشقة اي اي لهوني وصلت وهاني ممروجة ونشقى انت توة الداء و انت بيدك الدواء انت الي مش مهتم وانا غاطسة ونتلذذ في الهم قاعدة على عتبة بابك نستنى تحن روحك من بعيد حركت و حيرت و شغشبت الي ما قدر عليه القريب اي صدقني يا غريب اي هذي حالي في عشقتك وانت بعيد وكان تقرب مالا اش باش يزيد ويزيد ويزيد ...