لبست الأبيض عرست مشا في بالها تهنات، تلقي الماضي و حكياتوا عمرها لا نسات...

مخنوقة 4 حيوط باب مسكر عليها في دار،مشا في بالها كسبت و عملت أفار...

حبت تهرب من الماضي و تبدي من جديد،تلقي في حكايات البارح ماشية و تزيد...

كل يوم يتعدي تتفكر حكاية،حسبت روحها بش تنجم تنسي معاه كل رواية...

عقلها إختار الفلوس وناس بكري يقولوا الفلوس تعمي النفوس...

مع راجلها مرا بدن فوق سرير، عقلها وروحها مع إلي يحبها وعليها يغير...

الوقت في دارها يتعدي رزين،مع كل دقيقة تتفكر ترميشتوا و تسكيرة العين...

كل يوم تقول ليوم آخر نهار،تبات تحلم وتعاود تسرح في برشا أسرار...

القلب مانجمش ينسي إلى حبوا،أما إلي خذيتوا زادا شنوا ذنبوا...

نصارحو بإلى في قلبي،ولا... فك علي نخاف نحفر بإديا قبري...

الدنياء ماشية وتخنق فيا، نحس في روحي ما عندي حتى ثنية...

هنات علي روحها بش مايقولوش بايرة،سمعت كلام الناس وبش تكمل عمرها حايرة