طفلة صغيرة
Dorra Rezgui - درة الرزڨي
نكتب لهاك الطفلة بنت 3 سنين... سامحني اختي و بنتي و مرت ولدي نهار اخر نعرف الوجيعة ساكنة فيك على صغر سنك كنت تستنى في امك باش تروح بيك مالروضة باش تلعب باللعب متعك و تتفرج في طيور الجنة الي انت طير منهم ملايكة لا تخبش لا دبش
في لحظة خطفتك لوجيعة من حضن امك باش تولي في كل مرة تحكي لواحد منا حكايتك ساماحني اختي خاطر نهار اخر باش تبقى موجوعة على خاطر عملولك حاجة وقتلي انتي ملايكة و ماك فاهمة مالدنيا شيء
نعرف الي دموع امك ماهمش باش يشيحو و دموع بوك زادا و دموعك انت نهار اخر كي تكبر و يواجهوك بالحقيقة الي صغرك و انت تلعب في الروضة خطفك واحد من برائة الصغار لعالم النساء لكبار و الي هو حرقلك عمرك ملي كنت صغيرة رجعك مرا ... و هو راجل ... هو مش راجل هو شيطان و حتى الشيطان احن منو و الي الالاف كيفك كلهم ملايكة و عيلاتهم ساكته قال شنية فضيحة استر ماستر ربي قال شنية عار
شنية العار كان طفلة تحطت في روضة العساس متاعها مخو مابين ساقيه
دموع امك ماهيش باش تشيح يا اختي الصغيرة نعرف الي وجيعة بدنك باش تتنسى و وجيعتك الدخلانية ماهيش باش تتفنى
سامحني ...
درة الرزڨي
Website Design Brisbane