صرخة يتيمة
Raoua Ben Chalbia - روعة بن شلبيّةهائمة ، ضايعة
لا خو ينصح ، لا بو يصلّح
لا أخت تخبّي ، لا أمّ تعدّي
مسيّبة وحدي بين عباد ما تعرفش الرَّحمة
عباد لا تعرف لا ترفق لا تحنّ
عباد همُّهم الوحيد الكلامات و السّلامات
شغلهم الشّاغل القيل و القال
زعام كان في تأليف القصص إلّي لا عندها لا راس لا ساس
قصص هي في الأصل من نسج خيالهم المريض
و أنا ؟؟
أنا موجوعة من نظراتهم إلّي كي الكلاب دايرة بيّا
و مقهورة من كلامهم إلّي كي الذّيوبا ينهش فيّا
راني عييت ، تبت و ملّيت
أرحموني راني كيفكم ، ما فمّا حتّى فرق بيني و بينكم
روعة بن شلبيّة
Website Design Brisbane