ستيلو رزين
Asma Gharbi - أسماء الغربينحب نكتب و معرفتش نبدأ منين.... المخ هايم و القلب حزين
نحب نكتب و ستيلو رزين ... أوراق مني تتخبي و أوراق مالتنهيدة التطير
يزي مابكي قلمك حبار.... يزي مامسحت لأوراق دموع و أفكار
يزي مابكيت حروف .... يزي ما صورة الخوف...
توا على ضلامك تثور توا تكسر البلار على قلبك و تشوف النور
توا تتعلم تمشي وتطيح وتوا تقوم
توا تاقف على ساقيك و تنسي النوم
توا تعيش وتتنفس و تحسب النجوم
تَرَّقِدْ القمرة برموشك و بصوتك تطير مع الغيوم
توا تجري ومتعياش توا متستناش
توا تتفكر وتفكر والدمعة في عينك منرهاش
توا تصيح و تحل إيديك .تخرج إلي فيك
توا تواسيك و تشد يديك و تمشي بيك لقدآآآام
توا الوقت ليك
توا تحب وتتحب والقلب لحمر على وراقك يتكتب
تو وقت الإيد إلي تتشد ووقت البوسة تترسم عل خدّ
وقت أمك تقول بنتي صبية
ووقت خويا يحزر عليا
وقت البو يقول بنتي صغيرة
ووقت قريبتي تموت مني بالغيرة
توا وقت الورد يفتح
ووقت الي تكسر يتصلح
وقت الفرحة اللي تلمع في العيون
وقت أنا نحدد شنوا نحب نكون
وقت ننفض عليا الغبرة ومن وجيعتي نبرا !!
وقيت لدنيا باش نقوم
الدنيا باش تتعاش يلزمها برشا هبلة و جنون
بقلم أسماء الغربي
Website Design Brisbane