''مخيببها نفيق نلقى الناس الكل تعيد على أماتها وتهبط تصاورهم بمناسبة عيد الأمهات ومانلقاش حتى خيالك نسلم عليك والا نشبع من خزرت عينيك''

كلام يوجع ،، نلقى صديق عالفيس مهبطو ليوم ،، موجوع ،،مقهور،، شنو ذنبو ربي هز الغالية من دنيتو،، كلام كبير وعلى خاطرو تدمع العين،،كلام مايحسو كان المحروم من أغلى ما عندو ،، الميمة الغالية اللي تنور الدار،،'ما تبكيش'،،ساهل باش تقولهالو ،' أما أمك في الجنة تشووف فيك ،، تحبك أقوى باش تطمان عليك'،،ساهل تحكيهالو،،اما مايحس بيها كان اللي ربي خذاهالو،، الله يصبرك ،، ويعطيك القوة ،،

أقصى ما تنجم تعاون بيه الانسان هذا،، صدقني وجيعتك نحس بيها أما اللي زاد قتلني اني منجمش نعاونك ،، كان جيت انجم نخليك خويا ،،باش أمي تكون أمك وتحس تي الناس الكل،حضن حنين ،،انشانة صادقة تمسحلك دمع العين ،، وجيعتك تقتلني وانا نتفرج ،، منجمش كان ندعيلك ،،يجمعك بيها ربي نهار آخر في الجنة ،،وين ما يفكهالك حد ،، وين تكون مع الميمة ،،وين تحس روحك انسان كامل