روتين

Amira Ben Ghorbel - أميرة بن غربال

روتين ...كل شيء هوّ هوّ ... و الوقت ما عاد تحسّوا ثمين

روتين ..كيف يجيك ..يجي على غفلة و ما يغادرك ولو بعد تنهيدتين

يقتلك بالعرق بالعرق..يخليك هايم... في الدنيا سارح و لاك فارح

بالوقت حاسس و لاك حاسس ..يطوال عليك اليوم و الليل يغيّم

ّ و تنام عينيك على أمل انّو غدوة شمس النهار تطل

و تمحي هاك الرّوتين في الحين ...و تجيه زهوة الايّام تفوز و تزهّي الرّوح و القلب

و هواجس الروتين ترميها و تلوّح

ّالروتين سلاح ذو حدين يهيّمك بالرّاحة و هو ما للرّاحة الاّ عدو

ثقيل عالقلب و طعمه أمرّ مالمرّ

يا تغلبه وتلقا لروحك فلاحها ... يا يغرّقك في ذلّه

قوم فزّ عدرب جديد و لا تلوّجله ع سبب ولا علّة

و ايّاك تقتله قبل ما تعرف حكمته

هو جاء ليحييك من جديد ...ثورة ع نفسك حتى يعلّيك و يزيد في شانك و يرقيك

بقلم أميرة بن غربال