ترجع خاطر تحب ترجع خاطر تتوحش خاطر عندك وجيعة تقول تو تنقص ب الرجوع و هي فالحقيقة الوجيعة تزيد الوحش يزيد التعب يزيد فالوقت إلي تقول فيه بش نرتاح كل شي يزيد يكثر كل شي ... 

حتى مخك يتعب  يتعب أكثر من بدنك تحسو يوجع فيك تحس كل شي يوجع كل شاي يتعب كل شي خايب تقول ما فماش راحة تحب كان  تتمنى  الموت خاطر طرف تعب  إلي كيف تحكيه لعبد اخر يقولك عادي كل شي يتعدى .. وقتاش بش يتعدى ؟ كيف احنا نستانسو ؟ كيف معادش يهمنا ؟  كيف نموتوا من داخل  ؟  كيف معادش نحسو  !  كيف معادش يهمنا ؟

كل شي يتعدى كيف انتي تولي ميتة حية كيف تبدا معادش عينك في شي وقتها  يتعدى كل شي الوقت يزيد يكبر الوجيعة ما ينسش إلي يقولك الوقت ينسي يكذب عليك الوقت يتعب و يقهر و يوجع  استانس بالوجيعة إما رد بالك ترجع رد بالك